ໄດ້ຮັບຄຳອຳລາອັນອົບອຸ່ນທີ່ພິທີລ້ຽງສົ່ງ ຊຶ່ງຈັດຂຶ້ນທີ່ເຮືອນພັກທູດຍີ່ປຸ່ນປະຈຳລາວ ໃນວັນທີ 20 ມີນາ ນີ້.
ພິທີດັ່ງກ່າວໃຫ້ກຽດເຂົ້າຮ່ວມໂດຍທ່ານ ພຸດ ສິມມາລາວົງລັດຖະມົນຕີກະຊວງສຶກສາທິການ ແລະ ກິລາປະທານສະມາຄົມມິດຕະພາບລາວ-ຍີ່ປຸ່ນ, ທ່ານ ໂຄອິຊຶມິ ຊຶໂຕມຸເອກອັກຄະຣາຊະທູດຍີ່ປຸ່ນປະຈຳ ສປປລາວ, ພ້ອມດ້ວຍແຂກຖືກເຊີນທັງພະນັກງານຈາກອົງການທີ່ກ່ຽວຂ້ອງ ແລະ ອະດີດນັກສຶກສາລາວທີ່ເຄີຍໄປສຶກສາຢູ່ຍີ່ປຸ່ນ.
ປີນີ້, ມີນັກສຶກສາຈາກປະເທດລາວທັງໝົດ 12 ຄົນທີ່ໄດ້ຮັບທຶນການສຶກສາເພື່ອໄປສຶກສາລະດັບຫຼັງປະລິນຍາຕີ, ລະດັບຊັ້ນສູງຫຼັກສູດເຕັກໂນໂລຊີ ແລະ ຊັ້ນສູງທົ່ວໄປທີ່ປະເທດຍີ່ປຸ່ນ.ເປັນທີ່ຄາດຫວັງວ່າເຫຼົ່ານັກສຶກສາຈະໄດ້ຮັບປະສົບການ, ຄວາມຮູ້ ແລະ ທັກສະທີ່ລໍ້າຄ່າຢູ່ຍີ່ປຸ່ນ ແລະ ເອົາມານຳໃຊ້ເພື່ອພັດທະນາປະເທດຊາດ ແລະ ພາກພື້ນໃນອະນາຄົດ.
ທ່ານ ໂຄອິຊຶມິ ຊຶໂຕມຸໄດ້ແນະນຳເຫຼົ່ານັກສຶກສາໃຫ້ແລກປ່ຽນກັບຄົນຍີ່ປຸ່ນໃຫ້ຫຼາຍ ແລະ ນຳສະເໜີມົນສະເໜ່ຂອງປະເທດລາວໃຫ້ຄົນຍີ່ປຸ່ນ.ນາງ ມີນູ່ ພັກດີທີ່ຈະໄປສຶກສາຕໍ່ໃນລະດັບຫຼັງປະລິນຍາຕີ, ໄດ້ຕາງໜ້າຜູ້ຮັບທຶນ MEXT ໃນຄັ້ງນີ້ສະແດງຄວາມຂອບໃຈຕໍ່ລັດຖະບານຍີ່ປຸ່ນທີ່ເອື້ອເຟື້ອເຜື່ອແຜ່ໃຫ້ທຶນການສຶກສາໃນຄັ້ງນີ້ພ້ອມທັງສະແດງຄວາມມຸ່ງໝັ້ນທີ່ຈະຕັ້ງໜ້າສຶກສາຮ່ຳຮຽນທີ່ປະເທດຍີ່ປຸ່ນ.
ນອກຈາກນັ້ນ, ອະດີດນັກສຶກສາຈາກຍີ່ປຸ່ນ 2 ຄົນກໍໄດ້ແບ່ງປັນປະສົບການ ແລະ ໃຫ້ຄຳແນະນຳຜູ້ໄດ້ຮັບທຶນໃຫ້ນຳໃຊ້ໂອກາດຄັ້ງນີ້ໃຫ້ເກີດຜົນປະໂຫຍດສູງສຸດ. ບັນດາຜູ້ຮັບທຶນໄດ້ຮັບກຳລັງໃຈຈາກແຂກເຂົ້າຮ່ວມພາຍໃຕ້ບັນຍາກາດທີ່ອົບອຸ່ນ ແລະ ເປັນກັນເອງ ແລະ ຄວາມຄາດຫວັງຕໍ່ກັບການເລີ່ມຕົ້ນຄັ້ງໃໝ່ທີ່ປະເທດຍີ່ປຸ່ນກໍເພີ່ມສູງຂຶ້ນ.
(ຂ່າວ: ສະຖານທູດຍີ່ປຸ່ນ, ພາບ: ແສງຈັນ)
ຄໍາເຫັນ